Longboardforum.ch (http://www.longboardforum.ch/index.php)
- Allgemein (http://www.longboardforum.ch/board.php?boardid=14)
-- Polizei !! (http://www.longboardforum.ch/threadid.php?threadid=1911)

Geschrieben von Thuner_Mänu am 19.04.2009 um 16:23:

traurig Polizei !!

Ha hüt mini Ersti Bekanntschaft mit üsnä Ordnigshüäter gmacht. Ig bi ga Downhillä und bir 3tä Abfahrt het säch mir ä gruusigä wiss-orangä Ablick offäbart. Jenu, ha aghautä und mir isch erstmau z Brätt wäggno wordä. När isch di ganzi Prozedur mit Personaliä agä u so abgangä. Mi hets ono verwunderet dassi ds Tämpo ufgno hei (zum Glück hets GPS nid dr schnäust Teil gmässä wägem Empfang). Das ganzä git ä Azeig und wird amnä Ungersuächigsrichter forgfüärt (o mis Brätt traurig )

Cha mir öpper sägä öb säch das ganzä eventuell vor z Gricht ziät oder öbi mis Brätt jemaus widergseh? Wäri no froh um chli Infos, wöui eingläch ke Ahnig ha wiä dasi mi its söt verhautä.

Greez Mänu

Geschrieben von Raymondo am 19.04.2009 um 21:43:

I ha mal ghört, dass si dir s Brett nid darfe wegne.

Rein theoretisch söttisch glaub e Buess vo 20.- becho (isch bi mir damals ufem Grimsel ämu so gsi)

Wo bisch denn go fahre?

rmn

__________________
Check out www.burningwheelstour.ch for the 10 best events you'll ever enter!

Geschrieben von Raymondo am 19.04.2009 um 21:52:

fäG

"Verstösse gegen die geltenden Verkehrsregeln werden mit Bussen zwischen Fr. 10.– und Fr. 30.– geahndet."

rmn

__________________
Check out www.burningwheelstour.ch for the 10 best events you'll ever enter!

Geschrieben von Adiii am 19.04.2009 um 21:55:

ramon wi alt bisch du denn gsi?? i ha gmeint si chöi dir z brätt nume wäg näh wed unger 18ni bisch.. so e art erziehigsmassnahm..

__________________
The Antibrumman^^

Geschrieben von Thuner_Mänu am 19.04.2009 um 22:52:

Ja das dörfä si, hani emu scho me ghört. Ha kes Reglemänt drbigha, ä guetä Vorsatz für d Zuäkunft.
Di Zwe hei äuä ke Ahnig vom fäg gha, süsch hättä si onid sones Züg drus gmacht.
Vorauem dr eint het dumm ta winä morä und het üs aus "Verein vo dä läbensmüädä" bezeichnet.

Ig lütä its de mau no a um gnau z erfahrä was itsä louft und tuä sä no drufhiwiisä das das ja unger z fäg sötti ga.

@Ramon: Gfahrä bini d Strecki zwüschä Brünig und Meiringä, wär ä geniali Strecki und o schnäu, aber ha gmerkt das haut d Polizei präsent isch wöusi für uswärtsiisätz äuä meistens di Strecki bruchä.

P.S.
Weni its ä huerä höchi Puess würd becho würdi sä äuä mau mitem fäg zrügschickä. Ä Versuech ischs sicher wärt.

Geschrieben von Raymondo am 20.04.2009 um 01:07:

Ja ich bin damals am Grimsel unter 18 gsi. En Kolleg wo Volljährig gsi isch hed schinbar meh müesse zahle.

Trotzdem, versuechs mitem fäG.

rmn

__________________
Check out www.burningwheelstour.ch for the 10 best events you'll ever enter!

Geschrieben von zottel am 20.04.2009 um 14:52:

i ha mol sone fall gha wo si mer für es mit 65 km/h überfahrnigs rotliecht en azeig händ welle gä...de hani s "fäg" broschüreli mit buessekatalog füre gholt...de händs mer 270.- welle inedrucke(rächnig zuegschckt becho)...de hani reklamiert, dass i 20 + 20 = 40 müesst zahle(20 für s fahre ufere strass wo mer nid dörfe, 20 für s rotliecht)...de händs es mit 80.- versuecht...hani wieder reklamiert...de esch nie meh was cho und i ha nid müesse zahle...cha sech evtl. scho lohne da bezgl. fäg z interveniere...

edit: i be dert scho über 18 gsi!

__________________
memento moriendum esse

Geschrieben von Thuner_Mänu am 20.04.2009 um 17:53:

Ha mi no einisch erkundigt, si hei das aues am Jugendgricht witergleitet, diä luägä its witer. Müässt eventuell vor Gricht, isch no nid klar.Lut Polizei isch das ä Massnahm, das mir klar wird wasi da machä und wi gfährläch das isch. Its isch das mirä Mer no zimläch schreg iigfahrä wöu si irä aues müglächä iigredet hei.

Geschrieben von Raymondo am 20.04.2009 um 19:06:

Ja denn seisch du kennisch s fäG und siegsch der dem Bewusst gsi. Seischene, dass alli Vorsichtsmassnahme (Lederkombi, Helm, Händsche, jahrelangs Training und Erkundig vode Strecki) troffe hesch.

Seisch, dass bewusst zume Zitpunkt gange bisch, wo s Verchersufchomme chli gsi isch.

rmn

__________________
Check out www.burningwheelstour.ch for the 10 best events you'll ever enter!

Geschrieben von Raymondo am 20.04.2009 um 19:10:

PS: Vor Gricht muesch nid, das isch vill z Tür für die. Chunsch eifach en Brief vom Berner Jugendgricht über.

rmn

__________________
Check out www.burningwheelstour.ch for the 10 best events you'll ever enter!

Geschrieben von Khurer Brettlibuab am 21.04.2009 um 12:57:

Was sägand denn dini Eltera dazua? Falls du oder dini Eltera a Rechtschutzversicherig hend, wörd i dia mol informiara. Si werdend diar sehr wohrschinlich a saftigi Puass ufbrumma. Wichtig isch, dass d'Rechtsmittelbelehrig guat dura liisisch und das nit hocka lohsch. Bi jeder Puass, Verurtailig etc. kriagsch an Isprochefrischt. As isch immer wider interessant was alles gmacht wird, wo bi nöcherer Überprüafig nit verhebet. Au - und nit selta VOR ALLEM vur Polizai. Wenn di wehrsch söttsch mit'ma blaua Aug davo kho und au wenn's d'Bulla verdiant hättend - piss na nit ans Bai. Immer schön fründlich bliiba, dass a kliina "Schnuddergoof" ihri Autorität in frog stellt isch für so Jogis maischtens scho a krassa Gsichtsverluscht. Suscht werdends nur gail, zum di nomol verwütscha.

Das mit'em FäG isch jo gsait worda. An Aruaf bim Strossaverkehrsamt git dr villicht au nomol Gwüsshait.

__________________
[member of the tukudh-association][member of the riding society][member of the fontibon freak family][flughafenderby]

Geschrieben von Thuner_Mänu am 21.04.2009 um 21:46:

Merci für au diä hiufriichä Biträg. Nimmt mi ja scho wunder was si mir aues wei berächnä smile .
Gibä de Bscheid weni ds Schribä erhautä ha.

Geschrieben von C am 21.04.2009 um 23:26:

mier esch ja ma gnau sgliche passiert...es esch glaubs sogar da inne no noimet en thread ume.
i han müesse vor s'jugengricht z'aarau (bim erste mal smile ) und met ein schnurre. han e azeig becho und e buess vo 90.- bim zweite mal hani grad diräkt e azeig becho ohni bi däne müsse verbi zluege. esch glaubs um die 120.- gsi. i bin i beidne fäll under 18 gsi.
aber wie de zottel seit am beste machsch met em fäg öppis. i weiss halt ned wie starch das es sich unterscheided vo aargau nach bärn.

und höred uf so beschissni vermuetige aztstelle, vo wäge es wird huere tür und so, wenner kei ahnig händ!

__________________
...and the time will come when men such as I will look upon the murder of animals as they now look upon the murder of men.

Leonardo Da Vinci

Geschrieben von Raymondo am 22.04.2009 um 01:33:

Zitat:
Original von C und höred uf so beschissni vermuetige aztstelle, vo wäge es wird huere tür und so, wenner kei ahnig händ!


Genau! Schlussendlich chunds immerna günstiger als en Skipass!

rmn

__________________
Check out www.burningwheelstour.ch for the 10 best events you'll ever enter!

Geschrieben von Khurer Brettlibuab am 22.04.2009 um 10:54:

Mi het mini Unwüssahait 380.- koschted.

__________________
[member of the tukudh-association][member of the riding society][member of the fontibon freak family][flughafenderby]

Geschrieben von cobaasta am 22.04.2009 um 13:09:

Auch im Schnee kanns teuer werden:
Nach Bekanntschaft mit einem Walliser Wildhüter (in flagranti) weiss ich, dass mich dieser Run das nächste mal eine Busse von 1500.- kostet!

__________________
I'd rather be skateboarding (cobaasta)
Bomb hills not countries (sector9)
Spend less, skate more (ssx)

Geschrieben von Thuner_Mänu am 22.04.2009 um 18:54:

A ja, wi lang ischs bi euch gangä bis dir mau bscheid becho heit?

Geschrieben von Raymondo am 22.04.2009 um 19:40:

2mönet

rmn

__________________
Check out www.burningwheelstour.ch for the 10 best events you'll ever enter!

Geschrieben von assman am 22.04.2009 um 22:06:

soo gemein! und dä raser chame de der charä nid wäg näh!!

__________________
www.streetsurf.ch

Geschrieben von Thuner_Mänu am 22.04.2009 um 22:41:

Aber dr Füärerschiiin großes Grinsen

Powered by: Burning Board Lite 1.0.2 © 2001-2004 WoltLab GmbH